Vanti rekstraraðila sérfræðiþekkingu eða álit á sviði fjárstýringar er IFS Ráðgjöf með fjölbreytta ráðgjöf, fjárstýringarkerfi og sveigjanlega útvistunarsamninga sem sniðnir eru að þörfum viðskiptavina. Lagður er metnaður í að veita góða þjónustu sem byggir á nýjum hugmyndum og bestu starfsháttum. Kapp er lagt á að fylgjast vel með því sem efst er á baugi hverju sinni og er útgáfa tímaritsins Fjárstýringar liður í þeim tilgangi að miðla fróðleik á því sviði, s.s. um erlendar ráðstefnur, greinar, ásamt því að eiga skoðanaskipti við erlenda ráðgjafa.
Fyrirtækið hefur yfir að ráða öflugu neti erlendra og innlendra sérfræðinga á sviði fjárstýringarmála sem eru tilbúnir til aðstoðar eftir því sem þörf krefur. Þess vegna getur IFS með stolti boðið fyrirtækjum að velja á milli fjölbreyttra þjónustuflokka sem bjóða uppá sérsniðnar lausnir, sem byggðar eru á samanburði við bestu starfshætti sambærilegra fyrirtækja jafnt hér á landi sem erlendis. Þjónustan skiptist í fjóra megin flokka:
- Ráðgjöf (m.a. Áhættumat, Fjárstýringarstefna, Fjárstýringarúttekt)
- Kerfi
- Útvistun
- Fjármögnun